台湾竹林书局
台湾原版书复印本
千金譜
千金譜是一本閩南語啟蒙讀物。上早啲版本有兩款,攏總是用柴刻字成冊啲。咱來看:
木刻本一冊,冊面破爛,號做「千金譜」,冊尾刻著 「咸豐壬子冬月刊,台郡松雲軒藏板」,按遮會當推算出版啲時間是西元1852年。連雅堂佇《雅言》第121節寫講:活版未興以前,台之印書多在泉﹑廈刊行。府﹑縣各志,則 募工來刻,故版藏臺灣。然台南之松雲軒亦能雕鐫。……松雲軒在上橫街,今廢。可能是在大陸刊印。 「居家必用千金譜歌」,光緒丁亥年(西元1887年)木 刻,出版社無清楚。出自臺灣國立中央圖書館臺北分館。根據臺灣總督府國語學校校長町田則文寫啲文章《創業時代_臺灣教育》(上早刊登於《教育時論》第619號, 西元1902年),當中寫講:曰本儂統治台灣進前,全臺灣攏無半間冊店佮印刷廠,所有啲冊攏是按唐山廈門、上海、福州即寡所在過海來啲。因為本版佮台南松雲軒版無相共,所以本冊應該是廈門出版啲。亦現此時,佇廈門敢有《千金譜》卻是有待考查。 【《千 金譜》記載啲內容簡介】
《千金譜》記載啲內容,透底是平常生活用會著啲、看會著啲,吤普通啲物件佮一寡傢俬;呣是咧講述忠義孝道啲大道理,所以佇當時乾凋摕來當作家教啲素材。雖然《千金譜》儕少oân-á有教儂捌字啲功效,嘛有一寡生活知識在內,不而過,若比起傳統啲《三字經》、《幼學瓊林》、《百家姓》、《千字文》即款漢學啟蒙書(chu),是差吤儕,流傳啲區域嘛加真隘(e̍h)。有臺灣人士安呢看待《千金譜》,伊講:現此時,本土文化流失嚴重,咱有必要重佫來評估《千金譜》啲價值—— 無論是按研究語言學、民俗學,抑是社會學啲角度來看,這定著會使講是一抱真讚啲素材。痹粨冊內底寫講:“竹篙鬥菜刀,會莊掠賊著 拍鑼;閹雞趁鳳飛;蘇白扇,草蒲鞋;銅薫吹,金充(聰)袋;糴米著草地,糶米著米街;五福佮亂彈,四平兼大班,傀儡白字、潮調老戲…”即款字句,攏會當互咱感受著當當時(tng-tong-sî)農村生活啲情形。不而過,對現代儂來講,假使若呣是真熟似閩南語,卟(beh)來念《千金譜》,犯勢是念bōe輪轉。 對《千金譜》,臺灣研究閩南語啲學者董峰政,伊是安呢來咧評價—— 「千金譜」會使講是一本「 百工冊」,因為內容描寫著所有啲貨物,士農工商啲物件,以及農業社會每一个庭曰常生活所使用啲器具,將遮个 ( chiah-ê) 物件,全部共 ( kā ) 編做有鬥句 ( 押 韻 ) 啲字句互儂 ( hông) 讀 ,所以讀《千金 譜》,會當捌真儕物件,豐富咱曰常生活啲知識。而且寫作啲特色 :有紲喙啲詩韻,有熟似啲雅語俗語,有趣味農村記事,佮生理儂佇外口風流啲韻事等,值得逐家好好來研讀……
【《千金譜》全文】(漢字:基本直接搬用董峰政啲作品,個别所在小可仔有修改;注音:主要參考董峰政啲作品(TLPA),個別所在有修改;即搭改用POJ)
|